“Ницца” ярим ҳимоячиси Морган Шнайдерлен мавсум охиригача Австралияда тўп суради. "Вестерн Сидней Уондерерс" 33 ёшли французни ижарага олди.

“Уондерерс"да бўлганимдан жуда хурсандман ва саёҳатимни клубда бошлашни интиқлик билан кутяпман. Мен бу клуб ҳақида кўп яхши гапларни эшитдим ва янги чақирувга тайёрман”, - дейди янги келган футболчи.

Ёзда футболчи эркин агентга айланиши мумкин, чунки унинг "Ницца" билан амалдаги шартномаси 2023 йилнинг 1 июлигача амал қилади.

Аввалроқ Шнайдерлен "Эвертон", "Манчестер Юнайтед", "Саутгемптон" ва "Страсбург" каби клубларда тўп сурган. У Франция терма жамоасида 14 та ўйин ўтказган.