"Лестер" ярим ҳимоячиси Жеймс Мэддисон трансфер ойнаси ёпилгунга қадар "Ньюкасл Юнайтед"га ўтиши мумкин, деб хабар беради The Daily Express.
"Лестер" шу ойда 26 ёшли англиялик футболчи учун камида битта таклифни рад этган. Олдинроқ клуб у билан 68 миллион евро эвазига хайрлашишга тайёрлиги хабар қилинганди.
Мэддисоннинг амалдаги шартномаси 2024 йилгача мўлжалланган. Transfermarkt портали футболчининг нархини 55 миллион еврога баҳоламоқда.
Ярим ҳимоячи жорий мавсумда барча турнирларда 15 та ўйинда майдонга тушиб, 7 та гол урди ва 4 та голли узатмани амалга оширди. 2022 йилги жаҳон чемпионатида у Англия терма жамоаси қайдномасига киритилганди, аммо майдонга туширилмади.
