"Барселона" ҳимоячиси Жюль Кунде Ла Лиганинг 19-туридан ўрин олган "Жирона" устидан қозонилган ғалаба (1:0) ҳақида фикр билдирди.

“Биз анча яхши ўйнашимиз мумкин эди, аммо рақиб ҳам яхши ўйнади. "Жирона" кучли футбол намойиш этмоқда, лекин энг муҳими бу ўйинда биз ғалаба қозондик", - деди Кунде Barca Universal билан суҳбатда.

24 ёшли франциялик футболчи жорий мавсумда барча турнирлар доирасида 19 та ўйинда майдонга тушиб, 4 та голли узатмани амалга оширди.

“Барселона” 18 турдан кейин 47 очко билан турнир жадвалида пешқадамлик қилишда давом этмоқда. Кейинги турда Хави Эрнандес шогирдлари “Бетис” билан тўқнаш келишади.