"Бавария" ярим ҳимоячиси Марсел Сабитзернинг манфаатларини ҳимоя қилувчи агент Рожер Виттман, агар "РБ Лейпциг" ярим ҳимоячиси Конрад Лаймер "Бавария"га ўтса, Сабитзер Мюнхен клубини тарк этиши ҳақидаги маълумотга изоҳ берди.

“Марселнинг клуб билан 5 йиллик шартномаси бор. Айни пайтда томонларнинг ҳеч бири шартномани бекор қилишни ёқламади. Демак, бу шунчаки оммавий ахборот воситаларида тарқатилган воқеалар", - дейди футбол агенти.

Аввалроқ Лаймер келаси ёзда "Бавария"га ўтиши ҳақида хабар берилганди. 25 ёшли футболчи Мюнхен клубига текинга ўтиши кутилмоқда.