Жоау Канселу нима учун "Барселона"га эмас, "Бавария"га ўтишни афзал кўргани маълум бўлди.
Sport1.de нашри хабарига кўра, "Бавария" ва "Барселона" дам олиш кунларида "Манчестер Сити"дан ижарага олиш имконияти борлигини билишган. Каталония клуби футболчининг агенти Жорже Мендеш билан алоқада бўлган, аммо футболчи "Бавария"га ўтишни маъқул кўрди, чунки мюнхенликлар Чемпионлар лигасида иштирок этади. Бу немис клуби учун ҳал қилувчи устунликка айланди.
Кеча португалиялик футболчи "Бавария" учун тиббий кўрикдан ўтди. Бугун унинг 70 миллион еврога сотиб олиш имконияти билан мавсум охиригача ижараси расман эълон қилиниши керак.
Жоау жорий мавсум “Манчестер Сити” сафида барча турнирлар доирасида 26 та ўйинда майдонга тушиб, 2 та гол ва 4 та голли узатмага муаллифлик қилган. У "шаҳарликлар"нинг сўнгги учта ўйинини захирада ўтказди.
