"Реал" ҳимоячиси Пепе Испания суперкубогининг "Барселона"га қарши ўйиннинг биринчисида қатнаша олмайди. Бу ҳақда Мадридликлар устози Жозе Моуриньо айтиб ўтди.
"Пепе аниқ ўйнамайди. Унинг аҳволи яхшиланиб бормоқда, биз бир ўйинни деб ўйинчимизнинг соғлигини хавф остига қўя олмаймиз", - дея Моуриньонинг сўзларини келтиради "Реал" клуби расмий твиттери.
Эслатиб ўтамиз, Пепе Испания чемпионатининг биринчи турида "Валенсия"га қарши ўйинда (1:1) дарвозабон Икер Касильяс билан тўқнашиб кетган эди.
"Реал" ва "Барселона" ўртасидаги Испания суперкубоги учун биринчи учрашув чоршанбадан пайшанбага ўтар кечаси Каталония пойтахтида бўлиб ўтади.
