"Реал" бош мураббийи Карло Анчелотти Мадрид жамоасининг узоқ йиллик етакчилари Лука Модрич ва Карим Бенземанинг Саудия Арабистонига кўчиб ўтиши мумкинлиги ҳақида гапирди.
"Агар Саудия Арабистонидан таклиф тушса, Бензема ва Модрич менинг маслаҳатимга муҳтож эмас. Менимча, мадридлик афсоналари Мадридда қолиши керак", — дея Маrcа Анчелотти сўзларини келтиради.
Модрич 2012 йилдан буён "Реал Мадрид"да ўйнайди. Жорий мавсумда 37 ёшли хорват “қаймоқранглилар” сафида 25 та ўйин ўтказиб, 5 та гол урди ва 3 та голли узатмани амалга оширди.
35 ёшли Бензема ҳисобида 20 учрашувда 13 та гол ва битта голли узатма. Франциялик футболчи 2009 йилдан бери "Реал" шарафини ҳимоя қилиб келмоқда.
