"ПСЖ" клуби "Ливерпуль" клуби ҳужумчиси Муҳаммад Салоҳни сотиб олмоқчи. Calciomercato нашри хабарига кўра, "Қизиллар" 30 ёшли мисрлик футболчини келаси ёзда 80 миллион евро эвазига қўйиб юбориши мумкин.
Эслатиб ўтамиз, жорий мавсум бошланишидан олдин Салоҳ "Ливерпуль" билан шартномасини 2025 йилгача узайтирди. Ҳужумчи 2017 йилдан буён жамоада тўп суради ва шундан сўнг "мерсисайдликлар" тарихидаги энг яхши тўпурарлар рўйхатида бешинчи ўринга кўтарилиб олди.
Салоҳ жорий мавсум АПЛда 7 та гол урди ва 4 та голли узатмани амалга оширди. Юрген Клопп шогирдлари чемпионатда 9-ўринда бормоқда.
