"Барселона" футболчисига "Манчестер Юнайтед" қизиқиш билдирмоқда.
Агар каталонияликлар футболчини қўйиб юборишга тайёр бўлса, "қизил иблислар" 20 ёшли Ансу Фатини сотиб олмоқчи.
Шунингдек, таъкидланишича, Фатининг эҳтимолий трансфери "МЮ" учун устувор вазифа сифатида қаралмоқда.
"Барселона" ҳозирча трансферни муҳокама қилишга тайёр эмас, аммо ёзги трансфер ойнасигача вазият ўзгариши мумкин.
Қолаверса, Ансу Фати асосий таркибда етарлича ўйин ўтказмаяпти, бу эса на футболчига, на унинг атрофидагиларга ёқмаётгани хабар қилинади.
20 ёшли футболчи жорий мавсумда Ла Лиганинг 19 та ўйинида 3 та гол урди.
