Мэйсон Гринвуд яна "Манчестер Юнайтед"да ўйнаши ҳозирча номаълум.
"Манчестер Юнайтед" ходимлари 21 ёшли футболчининг фаолиятини клубда давом эттиришига рухсат бериш ёки бермаслик борасида иккига бўлинган.
The Guardian хабарига кўра, "Манчестер Юнайтед" жамоасининг муҳим қисми Гринвуднинг яна клубда ўйнашини истамайди. Бошқалар эса футболчига имконият бериш керак, деб ҳисоблашади, чунки у 7 ёшидан бери клубда ўйнаб келади ва ундан барча айбловлар олиб ташланган.
"Манчестер Юнайтед" ички текширув ўтказмоқда ва футболчини клубда қолдириш-қолмаслигини таҳлил қилади.
