"Челси" бош мураббийи Грем Поттер АПЛ доирасида "Фулхэм"га қарши ўйин арафасида жорий қишдаги энг қиммат футбол трансфери - "Бенфика"дан 121 миллион евро эвазига келган Энцо Фернандеснинг ҳақида гапирди.
"У ёш, у албатта мамлакатга ҳам, клубга ҳам мослашишдан ўтиши керак. Лекин мен унга шубҳа қилмайман, унинг характерини биламан - у жангчи. Ва у қанчалик омадли эканлигини тушунади. У жуда жасур ўйинчи ва доимо ўрганишга, яхшиланишга тайёр", - дея Поттернинг сўзларидан иқтибос келтиради клуб матбуот хизмати.
