«Арсенал» бош мураббийи Микель Артета АПЛнинг 22-тури доирасидаги «Эвертон»дан учралган мағлубият (0:1) ҳақида фикр билдирди.
«Канонирлар» 2022 йил 4 сентябрдан бери биринчи марта Премьер-лигада мағлуб бўлишди.
«Биз тўпга кўп эгалик қилдик, аммо якуний босқичда диққат ва класс етишмади. Кейин гол ўтказиб юбордик, рақиб ўйинни секинлаштирди ва биз қийналдик. Кўпроқ хотиржамликка берилиб, ўйинни яхшироқ назорат қилишимиз керак эди. Жуда кўп кераксиз зарбалар йўлладик ва жазоландик.
Бугун мен жамоамни бир ой олдингидан кўра кўпроқ яхши кўраман. Ғалаба қозонган одамнинг ёнида қолиш осон, мағлубият пайтичи?! Мен бу ўйинчиларнинг барчаси билан фахрланишда давом этаман, улар бунга лойиқ», — дея Артета сўзларини келтиради BBC.
