Daily Mail хабарига кўра, "Челси" ҳужумчиси Пьер-Эмерик Обамеянгга "Барселона", "Атлетико Мадрид" ва "Милан" қизиқиш билдирмоқда.
33 ёшли габонлик футболчи жамоанинг Чемпионлар лигаси учун қайдномасидан чиқариб ташлангач, "кўклар"ни тарк этишга қарор қилди.
Каталония жамоаси Обамеянгни январь ойидаёқ сотиб олишга уриниб кўрди, аммо молиявий фейр-плейни бузишдан қўрқиб, бу ғоядан воз кечишга мажбур бўлди.
2022/23 йилги мавсумда ҳужумчи лондонликлар сафида 17 та ўйинда майдонга тушиб, 3 та гол урди ва 1 та голли узатмани амалга оширди.
Transfermarkt.com портали футболчининг нархини 12 миллион еврога баҳоламоқда.
