Daily Mail xabariga ko‘ra, "Chelsi" hujumchisi Pyer-Emerik Obameyangga "Barselona", "Atletiko Madrid" va "Milan" qiziqish bildirmoqda.
33 yoshli gabonlik futbolchi jamoaning Chempionlar ligasi uchun qaydnomasidan chiqarib tashlangach, "ko‘klar"ni tark etishga qaror qildi.
Kataloniya jamoasi Obameyangni yanvar oyidayoq sotib olishga urinib ko‘rdi, ammo moliyaviy feyr-pleyni buzishdan qo‘rqib, bu g‘oyadan voz kechishga majbur bo‘ldi.
2022/23 yilgi mavsumda hujumchi londonliklar safida 17 ta o‘yinda maydonga tushib, 3 ta gol urdi va 1 ta golli uzatmani amalga oshirdi.
Transfermarkt.com portali futbolchining narxini 12 million yevroga baholamoqda.
