"Челси" ярим ҳимоячиси Матео Ковачич "Ювентус"нинг радарига тушган. Calciomercato хабарига кўра, агар лондонликлар эвазига Матео Ковачични таклиф қилса, Турин клуби Денис Закарияни "Челси"га тўлиқ сотишга тайёр.

Денис Закария айни дамда "Челси"да ижара асосида ўйнамоқда. "Аристократлар" учун ярим ҳимоячи еттита ўйин ўтказди ва битта гол уришга муваффақ бўлди.

Матео Ковачичнинг "Челси" билан амалдаги шартномаси 2024 йилнинг ўрталарига қадар мўлжалланган, яъни шартномаси узайтирилмаса, лондонликлар келаси ёзда хорват билан хайрлашишлари оқилона қарор бўлади.