"Челси" марказий ҳимоячиси Тьяго Силва билан янги шартнома имзолашга яқин турибди. Журналист Фабрицио Романонинг фикрича, томонлар ҳамкорликни кенгайтиришга яқинлашмоқда.
Силванинг шартномаси шу мавсум охирида тугайди, аммо 38 ёшли бразилиялик камида яна бир мавсум "Стемфорд Бриж"да қолишга қарши эмас. Аввалроқ футболчи профессионал фаолиятини 40 ёшгача давом эттириш истагини билдирганди.
Силва ёшига қарамай, жорий мавсумда "Челси"нинг асосий марказий ҳимоячиси бўлиб қолмоқда. Тьяго жорий мавсум АПЛда 19 та ўйинда майдонга тушди.
