Туркияни ларзага келтирган кучли зилзиладан кейин “Хатайспор”нинг бир қанча футболчилари вайроналар остида қолди.
Маҳаллий ОАВнинг хабар беришича, жамоанинг баъзи футболчилари аллақачон қутқарувчилар томонидан қутқариб олинган. Айни пайтда Англиянинг “Ньюкасл” жамоасида ўйнаши билан танилган ҳужумкор ярим ҳимоячи Кристиан Атсу вайроналар остида қолмоқда.
Узоқ вақт давомида Кристиан Атсу "Челси"га тегишли эди, лекин у фақат ижара асосида ўйнаб юрди. Ганалик футболчи ўтган йилнинг кузида "Хатайспор"да ўйнашни бошлаганди.
Эслатиб ўтамиз, Туркиядаги зилзила туфайли барча спорт тадбирлари тўхтатилган эди.
