ФИФА президенти Жанни Инфантино Туркия ва Суриядаги зилзилалар ҳақида гапирди.
«Жаҳон футбол жамоатчилиги номидан Туркия ва Суриядаги зилзилаларда ҳалок бўлганларнинг оила аъзолари ва яқинларига чуқур ҳамдардлик билдираман.
Бизнинг фикримиз ва дуоларимиз қурбонлар ва ушбу фожиада жабрланганлар учун. Биз ушбу даҳшатли паллада ҳар икки мамлакат халқларига бирдамлигимизни ва қўллаб-қувватлашимизни билдирмоқчимиз», - дея Инфантинонинг сўзларини келтирган ФИФА матбуот хизмати.
Туркия жанубидаги Кахраманмараш вилоятида 6 февраль куни эрталаб 7,7 магнитудали зилзила содир бўлиб, у 10 та вилоятга таъсир кўрсатди.
