«Адана Демирспор» бош мураббийи Винченцо Монтелла Туркиядаги зилзилалар ҳақида гапирди.
«Якшанба кунидан бери Истанбулдамиз, «Юмраниеспор»га қарши ўйин бекор қилинди. Аданада кучли зилзила сезилганини биламан.
Кўпчилик футболчиларим оиласи ҳақида қайғурмоқда. Одамлар кўчада эди, Аданада мен яшаган меҳмонхона ҳам эвакуация ишлари олиб борилди. Доимий силкинишлар бор, барчамиз хавотирдамиз», - деди Монтелла.
6 февраль куни Туркия жанубидаги Кахраманмараш вилоятида 7,7 магнитудали кетма-кет силкинишлар содир бўлиб, у 10 та вилоятга таъсир кўрсатди. Сўнгги маълумотларга кўра, 2316 киши ҳалок бўлган, 13293 киши жароҳатланган.
