"Челси" ҳужумчиси Жоау Феликс ҳозирда "Ан-Наср" сафида Саудия Арабистони чемпионатида ўйнаётган ҳамюрти Криштиану Роналдунинг фаолияти ҳақида гапирди.
"Ўйлашимча, Криштиану Португалия терма жамоасида ўйнашда давом этади. У 2024 йилги Европа чемпионатида иштирок этадими? Бу ҳақда ундан сўраш яхшидир. Европада Роналду кўп ютуқларга эришди, у ўз номини тарихга ёздириб қўйди ва энди Саудия Арабистонида буни амалга оширади. Унга бу борада омад ёр бўлсин", - деди Жоао AS билан суҳбатда.
Эслатиб ўтамиз, Криштиану Европада "Спортинг", "Манчестер Юнайтед", "Реал" ва Туриннинг "Ювентус" клубларида ўйнаган. Унинг "Ан-Наср" билан шартномаси 2,5 йилга мўлжалланган.
