"Барселона" президенти Жоан Лапорта ярим ҳимоячи Серхио Бускетснинг МЛСга кетиши мумкинлиги ҳақидаги фикрларини айтди.

“Биз у билан Рождество олдидан гаплашдик. Унга МЛСдан таклиф бор эди, у буни ҳеч қачон биздан яширмаган. У Америка тажрибасини олишни хоҳлайди.

У январда кетиши мумкин эди, лекин бахтига ҳозирча биз билан қолишга қарор қилди. Агар у ёзда биз билан давом этадиган даражада кучли деб ҳисобласа, биз ўтириб, яна гаплашамиз. Барча томонлар бу борада келишиб олдилар", - дея Лапорта сўзларидан иқтибос келтиради Goal.com.

Қишда футболчига "Интер Майами" қизиқаётган эди. 34 ёшли ярим ҳимоячининг “Барселона” билан шартномаси 2023 йилнинг ёзида якунига етади.

Жорий мавсумда футболчи каталонияликлар сафида барча мусобақаларда 27 та ўйин ўтказиб, битта голли узатмани амалга оширган.