Франкфуртнинг "Айнтрахт" клуби кўплаб Европа гигантларининг трансфер мақсадига айланган ҳужумчиси Рандал Коло-Муанининг нархини белгилади.
Журналист Флориан Плеттенберг хабарига кўра, "бургутлар" 24 ёшли ҳужумчи учун 90-100 миллион евро талаб қилади.
Коло-Муани жорий мавсум бошланишидан олдин Франциянинг “Нант” жамоасидан “Айнтрахт”га ўтган эди. Футболчи Бундеслигадаги дебют мавсумида 18 учрашувда 9 та гол ва 10 та голли узатмани амалга оширган.
Манбага кўра, "Бавария" ёзда Рандални сотиб олмоқчи эмас. Франциялик футболчининг Юлиан Нагельсманн жамоасига ўтиши даргумон кўринади.
