Frankfurtning "Ayntraxt" klubi ko‘plab Yevropa gigantlarining transfer maqsadiga aylangan hujumchisi Randal Kolo-Muanining narxini belgiladi.
Jurnalist Florian Plettenberg xabariga ko‘ra, "burgutlar" 24 yoshli hujumchi uchun 90-100 million yevro talab qiladi.
Kolo-Muani joriy mavsum boshlanishidan oldin Fransiyaning “Nant” jamoasidan “Ayntraxt”ga o‘tgan edi. Futbolchi Bundesligadagi debyut mavsumida 18 uchrashuvda 9 ta gol va 10 ta golli uzatmani amalga oshirgan.
Manbaga ko‘ra, "Bavariya" yozda Randalni sotib olmoqchi emas. Fransiyalik futbolchining Yulian Nagelsmann jamoasiga o‘tishi dargumon ko‘rinadi.
