"Милан" бош мураббийи Стефано Пиоли А Сериянинг 22-туридан ўрин олган "Торино" устидан қозонилган ғалаба (1:0) ҳақида фикр билдирди. Миланликлар 7 ўйиндан иборат ғалабасиз сериясига барҳам берди.
"Биз буни мутлақо уйғониш деб билишимиз керак. Биз қийин бўлишини, юқори босим туфайли "Торино" бизга хотиржам ўйин қуришга имкон бермаслигини билардик. Лекин биз ҳужумда ҳам, ҳимояда ҳам жуда қаттиқ ишладик.
Гол руҳий тушкунликни ҳам олиб ташлади, биз ўйин бошидагидан яхшироқ ўйнай бошладик. Бу кичик ва зарур қадам эди. Натижага эришиш учун ҳар куни ишлаймиз. Охирги ҳафталарда бунга эриша олмадик ва бу бизни хафа қилди.
Биз олдинга боришимиз керак, келаси мавсум Чемпионлар лигасига чиқиш яхши натижа бўлади. Лекин биз барқарорроқ бўлишимиз керак", - деди Пиоли DAZN нашрига.