"Milan" bosh murabbiyi Stefano Pioli A Seriyaning 22-turidan o‘rin olgan "Torino" ustidan qozonilgan g‘alaba (1:0) haqida fikr bildirdi. Milanliklar 7 o‘yindan iborat g‘alabasiz seriyasiga barham berdi.
"Biz buni mutlaqo uyg‘onish deb bilishimiz kerak. Biz qiyin bo‘lishini, yuqori bosim tufayli "Torino" bizga xotirjam o‘yin qurishga imkon bermasligini bilardik. Lekin biz hujumda ham, himoyada ham juda qattiq ishladik.
Gol ruhiy tushkunlikni ham olib tashladi, biz o‘yin boshidagidan yaxshiroq o‘ynay boshladik. Bu kichik va zarur qadam edi. Natijaga erishish uchun har kuni ishlaymiz. Oxirgi haftalarda bunga erisha olmadik va bu bizni xafa qildi.
Biz oldinga borishimiz kerak, kelasi mavsum Chempionlar ligasiga chiqish yaxshi natija bo‘ladi. Lekin biz barqarorroq bo‘lishimiz kerak", - dedi Pioli DAZN nashriga.
