«Тоттенхэм» президенти Дэниел Леви бош мураббий Антонио Контенинг ишига юқори баҳо берди.
«Биз Антонио Конте ва унинг мураббийлар штабини 2021 йилнинг ноябрида кутиб олдик. Антонио келганида биз Премьер-лигада саккизинчи эдик ва Конференциялар лигасида ўйнардик.
2021/2022 йилги мавсумни сўнгги 14 ўйинда 10 та ғалаба ва УЕФА Чемпионлар лигасига йўлланма билан якунладик.
Сон Хён Мин эса Муҳаммад Салоҳ билан бирга Премьер-лиганинг «Олтин бутса»си соҳибига айланди.
Футболчиларимиз ва ходимларимиз ўзларининг содиқликларини намойиш этишди ва бу йил эришилган ютуқлар билан ҳамма фахрланиши керак.
Биз Премьер-лигада бешинчи бўлдик, УЕФА Чемпионлар Лигасининг 1/8 финалига ва Англия Кубогининг бешинчи босқичига чиқдик», — деди Леви.
