«Ливерпуль» ярим ҳимоячиси Коди Гакпо «Эвертон»га қарши ўйин олдидан ушбу учрашувнинг аҳамияти ҳақида ўз фикрлари билан ўртоқлашди.
Мерсисайд дербиси 13 февраль куни «Энфильд»да бўлиб ўтади.
«Ван Дейк менга бу дерби нақадар муҳимлиги, бу қанчалик шиддатли жанг эканлигини айтди. У, шунингдек, «Эвертон»га қарши ўйинда «Ливерпуль» учун биринчи голини урганини эслади - энди мен ҳам шундай қила оламан деган умиддаман», - дея футболчининг сўзларини келтиради Mirror.
23 ёшли Гакпо «Ливерпул»га январь ойида «ПСВ» Эйндховендан 40 миллион евро эвазига келиб қўшилган эди. Футболчи Юрген Клопп жамоаси сафида олтита ўйин ўтказди, бироқ ҳалигача гол ура олмади.
