Бугун "Анжи" клубининг Кратовадаги базасида машғулотига Одил Аҳмедов ташриф буюрди. Махачқалъаликлар "Мордовия"га қарши баҳсдан кейин ўзларининг илк машғулотларини ўказишган бўлса, Аҳмедов Германияда жарроҳлик амалиётини ўтказиб қайтганди.

Табиийки, у ҳозирча машғулотларда иштирок этмаяпти. Одил фақат тиббий машғулотлар билан чекланмоқда. Аҳмедов жамоадошлари бажарган машқларни қизиқиш билан кузатди. Кўриниб турибдики, у тўпни соғинган.

Эслатиб ўтамиз, Аҳмедов тўла оёққа туриб кетиши учун 6-8 ҳафта вақт керак. "Анжи" эса ўзининг навбатдаги баҳсини Голландияда 30 август куни АЗ Алкмаар клубига қарши ўтказади.