Бразилияда футбол ўйини вақтида дарвозабон ўлдирилди. Бу Бразилияда 50 йилдан ортиқ вақтдан бери ўтказиб келинаётган "Амазон" ҳаваскорлар чемпионати - "Пеладао" кубогининг 1/8 финал босқичи ўйинида рўй бўлди. Ушбу учрашувда “Чунай” ва “Гуарана” жамоалари тўқнаш келишди.
Ўйин давомида асосий таркиб дарвозабони 11 метрлик зарбани тепишга ҳозирлик кўраётган эди, бироқ ҳакамнинг ҳуштаги ўрнига ўқ овозлари эшитилди ва тез орада дарвозабон вафот этди.
Гап шундаки, турнирда гиёҳванд моддаларни тарқатиш билан шуғулланувчи жиноий гуруҳларга алоқадор жамоалар қатнашаётганди. Жамоалар ўйин натижаларини манипуляция қилувчи тўдалар томонидан қўллаб-қувватланган ва ҳакамларни ишониб бўлмайдиган даражада қўрқитишган. Бу ўйинда "Чунай" футболчилари "Гуарана"нинг ғалабасини чин дилдан истаган тўдалардан бири томонидан ҳужумга учради.
"Чунай" дарвозабони воқеа жойида вафот этган, жароҳат олган икки футболчи эса шифохонага етказилган, кейинчалик улар ҳам олган жароҳатлари туфайли вафот этган.
