Франциянинг "ПСЖ" клуби 11 йил ичида илк бор очиқ машғулот ўтказади. Бу ҳақда париж грандининг расмий сайти хабар бермоқда.
Тадбир 24 февраль куни бўлиб ўтади ва унинг ўтказиладиган жойи клубнинг уй аренаси - Париждаги "Парк де Пренс" стадиони бўлади. Клуб абонементлари эгаларига машғулотларга иккита таклифнома берилади.
Эслатиб ўтамиз, парижликлар сўнгги учта ўйинда тўғридан-тўғри рақибларига қарши мағлуб бўлишди - Франция кубогида "Марсел"га, чемпионатда кейин "Монако"га, сешанба куни эса Чемпионлар лигасида "Бавария"га мағлуб бўлишди.
Муваффақиятсизликларга қарамай, "ПСЖ" Франция чемпионати турнир жадвалида пешқадамлик қилмоқда.
