"Олимпиакос" чап қанот ҳимоячиси Марсело клуб билан шартномасини бекор қилишга яқин турибди.

Ноябрь ойида юнон гиганти 34 ёшли бразилиялик билан ҳамкорликни муддатидан олдин тўхтатиш ниятида экани маълум бўлганди. Журналист Маттео Мореттонинг Грециядаги манбаларга таянган ҳолда янгиланган ҳисоботига кўра, томонлар ҳозир ажралишга жуда яқин. "Реал Мадрид"нинг собиқ футболчиси "Олимпиакос"ни тарк этиш арафасида, аммо узоқ вақт ишсиз қолиши даргумон - унга аллақачон бошқа клублар қизиқиш билдирмоқда.

Марсело 2022 йилнинг сентябрида жамоа билан мавсум охиригача шартнома имзолаган.