«Милан» бош мураббийи Стефано Пиоли А Серия доирасидаги «Монца»га (1:0) қарши ўйинни сарҳисоб қилди.

«Химояланиш керак бўлганда, буни бутун жамоа билан, куч ва шиддат билан бажариш керак. Биз яхшироқ ўйнай оламиз, аммо «Монца» иккинчи бўлимни ажойиб ўтказди ва биз ўтган ҳафтадаги босимни ҳис қилдик - ҳам жисмоний, ҳам руҳий жиҳатдан оғир бўлди.

Бизда кўпроқ гол уриш учун имкониятлар бўлди, иккита ажойиб имконият. Вазиятни ҳисобга олган ҳолда, ўзингизга бўлган ишончни мустаҳкамлаш ва натижаларга эришиш керак.

Ўйлайманки, биз биринчи бўлимни жуда яхши ўтказдик. Ҳужумчилар рақибнинг босимини енгиб ўтишда қатъийроқ ҳаракат қилишлари керак эди, лекин умуман олганда, ҳамма бир бўлинма бўлиб ишлади.

Биз тўғри йўлга қайтдик», — деди Пиоли.