Лондоннинг “Челси” клуби Англия Премьер-лигасининг жорий мавсумида омадсизликка учрамоқда. Охирги ўйинда “нафақахўрлар” ўз майдонида чемпионатнинг асосий аутсайдери – “Саутгемптон”дан мағлуб бўлди (0:1).

Бу омадсизликка қарамай, пойтахт клуби раҳбарияти жамоа бош мураббийи Грэм Поттерга ишонишда давом этмоқда.

The Telegraph нашри хабарига кўра, "кўклар" мутахассисни яқин орада ишдан бўшатиш ниятида эмас.

Англия Премьер-лигаси турнир жадвалида «Челси» 31 очко билан ўнинчи ўринни эгаллаб турибди. Чемпионлар лигасининг 1/8 финалида лондонликлар биринчи ўйинда Дортмунднинг “Боруссия” жамоасига (0:1) имкониятни бой берди.

Поттер 2022 йилнинг сентябрь ойида “Челси” бош мураббийи лавозимини эгаллаган. Унинг шартномаси беш йилга мўлжалланган.