Londonning “Chelsi” klubi Angliya Premyer-ligasining joriy mavsumida omadsizlikka uchramoqda. Oxirgi o‘yinda “nafaqaxo‘rlar” o‘z maydonida chempionatning asosiy autsayderi – “Sautgempton”dan mag‘lub bo‘ldi (0:1).
Bu omadsizlikka qaramay, poytaxt klubi rahbariyati jamoa bosh murabbiyi Grem Potterga ishonishda davom etmoqda.
The Telegraph nashri xabariga ko‘ra, "ko‘klar" mutaxassisni yaqin orada ishdan bo‘shatish niyatida emas.
Angliya Premyer-ligasi turnir jadvalida «Chelsi» 31 ochko bilan o‘ninchi o‘rinni egallab turibdi. Chempionlar ligasining 1/8 finalida londonliklar birinchi o‘yinda Dortmundning “Borussiya” jamoasiga (0:1) imkoniyatni boy berdi.
Potter 2022 yilning sentyabr oyida “Chelsi” bosh murabbiyi lavozimini egallagan. Uning shartnomasi besh yilga mo‘ljallangan.
