«Барселона» 19 февраль, якшанба куни Испания чемпионатининг 22-тури доирасида «Кадис» билан тўқнаш келиб, 2:0 ҳисобида ғалаба қозонди.

«Кўк-анорранглилар» жорий мавсумда Ла лигада ўтказилган 22 та учрашувдан бор-йўғи 5 тасида ўз дарвозасидан гол ўтказиб юбориб, 17тасида ўз дарвозаси дахлсизлигини сақлаб қолди. Шу тариқа, «Барса» «қуруқ ўйин» бўйича Испания чемпионати рекордини янгилади. Бу борада рекорд «Депортиво»га тегишли бўлиб, жамоа мавсум-1993/94да 16та ўйинда ўз дарвозасидан гол ўтказиб юбормаганди.

Бундан ташқари, Хави жамоаси жорий мавсумда дастлабки 22 та баҳсда ўз дарвозасидан 7 та тўп олиб чиқишган: 3 марта - «Реал Мадрид», 1 тадан - «Реал Сосьедад», «Осасуна», «Эспаньол» ҳамда «Бетис»дан.

Илк 22 турда ўтказилган гол бўйича шу пайтгача рекорд 9 та гол эди. Бундай кўрсаткични «Барселона» (мавсум-1986/87), «Депортиво» (1993/94) ва «Атлетико» (2017/18) қайд этган эди.