"ПСЖ" ҳужумчиси Неймар ижтимоий тармоққа жароҳат олган оёғи суратини жойлаштирди.

31 ёшли бразилиялик футболчи Франция чемпионатининг 24-туридан ўрин олган “Лилл”га қарши уй учрашувида (4:3) жароҳат олди.

Неймар сурат остига "Қайта ва қайта" -деб изоҳ қолдирди.

Франция ОАВларининг ёзишича, бразилиялик футболчининг тўлиқ тикланиши учун тахминан уч ҳафта вақт керак бўлади. Шу тариқа, ҳужумчи ЕЧЛ 1/8 финалида “Бавария”га қарши жавоб ўйинида парижликларга ёрдам бермайди. Ўйин 8 март куни бўлиб ўтади.

Неймар жорий мавсум Лига 1да 20 та ўйинда майдонга тушиб, 13 та гол урди ва 11 та голли узатмани амалга оширди.