«Тоттенхэм» бош мураббийи Антонио Конте тез орада жамоани тарк этиши мумкин. Telegraph хабарига кўра, унинг ўрнини «Брайтон» бош мураббийи Роберто де Зерби эгаллаши кутиляпти.
Манбага кўра, Конте соғлиги сабабли ўз лавозимини тарк этади. У аввалроқ операция қилинган эди. Клуб де Зерби италияликнинг ўрнини боса олади, деб ҳисобламоқда.
«Тоттенхэм» АПЛ турнир жадвалида «Нъюкасл»дан бир очко кўп жамғариб, тўртинчи ўринга кўтарилиб олган, аммо рақибда битта захира ўйини бор.