"Манчестер Сити" бош мураббийи Хосеп Гвардиола 22 ёшли вингер Фил Фоденнинг ўйини ҳақида фикр билдирди.
Испаниялик мутахассиснинг фикрича, англиялик футболчи марказий ярим ҳимоячи позициясида ўйнашга қодир, аммо бунинг учун у янада етук бўлиб, ўйинни ўқишни ўрганиши керак.
"У ўша ерда ўйнай олади, лекин мен уни ҳали ёш деб ҳис қиляпман. Қанотда ўйнасанг, ҳамма нарсани ўзингга яраша бажарасан, марказда жуда кўп нарса содир бўлади ва уларга тўғри муносабат билдиришинг керак", - деди Гвардиола Manchester Evening News билан суҳбатда.
Жорий мавсумда Фоден “шаҳарликлар” сафида 30 та ўйинда майдонга тушиб, 9 та гол урди ва 4 та голли узатмани амалга оширди.
