"Manchester Siti" bosh murabbiyi Xosep Gvardiola 22 yoshli vinger Fil Fodenning o‘yini haqida fikr bildirdi.
Ispaniyalik mutaxassisning fikricha, angliyalik futbolchi markaziy yarim himoyachi pozisiyasida o‘ynashga qodir, ammo buning uchun u yanada yetuk bo‘lib, o‘yinni o‘qishni o‘rganishi kerak.
"U o‘sha yerda o‘ynay oladi, lekin men uni hali yosh deb his qilyapman. Qanotda o‘ynasang, hamma narsani o‘zingga yarasha bajarasan, markazda juda ko‘p narsa sodir bo‘ladi va ularga to‘g‘ri munosabat bildirishing kerak", - dedi Gvardiola Manchester Evening News bilan suhbatda.
Joriy mavsumda Foden “shaharliklar” safida 30 ta o‘yinda maydonga tushib, 9 ta gol urdi va 4 ta golli uzatmani amalga oshirdi.
