"Ювентус"нинг собиқ ҳужумчиси Алессандро Дель Пьеро бир вақтлар "Манчестер Юнайтед"га ўтиши мумкинлигини тан олди. "Қизил иблислар" бош мураббийи сер Алекс Фергюсоннинг шахсан ўзи италиялик футболчига қизиқиш билдирган.
"Фергюсон мени бир неча бор "Манчестер Юнайтед"га таклиф қилган. Бу 2000 йилдан олдин ҳам, кейин ҳам содир бўлган. Ҳалигача эслайман. У ўз жамоасига ўтишимни талаб қилди", - дея Дель Пьеро сўзларини келтиради Sky Sports.
Эслатиб ўтамиз, Дель Пьеро Европада бор-йўғи иккита жамоада тўп сурган - "Падова" ва Туриннинг "Ювентус" клубларида 19 йил ўйнаган. Италиялик футболчи А серияда 6 марта ғалаба қозонган ва Чемпионлар лигасида ғалаба қозонган.
