«Лион»нинг «Анже»га қарши сафардаги ўйини олдидан ўтказилган матбуот анжуманида Лоран Бландан ўзининг собиқ жамоаси «ПСЖ» ҳақида сўрашди.

2013 ва 2016 йиллар оралиғида парижликларни бошқарган Бланнинг таъкидлашича, «ПСЖ»нинг вақти-вақти билан яхши формадан тушиб қолиши, «муаммолар даври» ҳар доим Чемпионлар лигаси мавсуми ўрталарида юзага келади. Бироқ бу вақтинчалик чарчоқ бўлиб, тезда ўтиб кетади.

Франция терма жамоасининг собиқ бош мураббийи ҳар қандай ҳолатда ҳам жадвалнинг юқори ўринларида бораётган жамоаларни томоша қилиши ва бу «ПСЖ»даги юлдуз футболчилар сифатини ҳисобга олган ҳолда қизиқарли иш бўлишини айтди.