«Lion»ning «Anje»ga qarshi safardagi o‘yini oldidan o‘tkazilgan matbuot anjumanida Loran Blandan o‘zining sobiq jamoasi «PSJ» haqida so‘rashdi.

2013 va 2016 yillar oralig‘ida parijliklarni boshqargan Blanning ta’kidlashicha, «PSJ»ning vaqti-vaqti bilan yaxshi formadan tushib qolishi, «muammolar davri» har doim Chempionlar ligasi mavsumi o‘rtalarida yuzaga keladi. Biroq bu vaqtinchalik charchoq bo‘lib, tezda o‘tib ketadi.

Fransiya terma jamoasining sobiq bosh murabbiyi har qanday holatda ham jadvalning yuqori o‘rinlarida borayotgan jamoalarni tomosha qilishi va bu «PSJ»dagi yulduz futbolchilar sifatini hisobga olgan holda qiziqarli ish bo‘lishini aytdi.