«Реал Мадрид» вакиллари нуфузли The Best мукофотини топшириш маросимини ўтказиб юбориши мумкин, деб хабар қилмоқда Relevo.
Клуб «энг яхши ўйинчи» номинациясида Лионель Месси ва «энг яхши дарвозабон» номинациясида Эмилиано Мартинеснинг эҳтимолий ғалабаси туфайли тадбирни бойкот қилишга интилмоқда.
Эслатиб ўтамиз, энг яхши футболчи номига Мадриднинг «Реал» клуби футболчиси Карим Бензема, энг яхши дарвозабон унвонига эса «қаймоқранглилар» кипери Тибо Куртуа даъвогарлик қилади.
Якуний қарор 26 февраль, якшанба куни қабул қилинади. Ғолиблар 27 февраль куни Парижда бўлиб ўтадиган тантанали маросимда эълон қилинади.