Англия чемпионатининг йигирма бешинчи туридан ўрин олган баҳсда «Тоттенхэм» ўз майдонида «Челси»ни қабул қилиб, рақиб дарвозасига жавобсиз иккита гол урди.
Ўйин воқеаларини Антонио Контенинг ёрдамчиси Кристиан Стеллини изоҳлади.
«Оливер учун ажойиб лаҳзалар бўлди, биз буни бир йил кутган эдик. Биз ғалаба қозонишни хоҳладик, ажойиб ўйин ўтказдик, мен ҳар бир тўп учун курашни кўрдим.
Ишончим комилки, мухлислар хурсанд бўлди, кейинги ҳафта эса Антонио ишга қайтиши керак», - дея Стеллинининг сўзларини келтиради BBC Sport.
