Angliya chempionatining yigirma beshinchi turidan o‘rin olgan bahsda «Tottenxem» o‘z maydonida «Chelsi»ni qabul qilib, raqib darvozasiga javobsiz ikkita gol urdi.
O‘yin voqealarini Antonio Kontening yordamchisi Kristian Stellini izohladi.
«Oliver uchun ajoyib lahzalar bo‘ldi, biz buni bir yil kutgan edik. Biz g‘alaba qozonishni xohladik, ajoyib o‘yin o‘tkazdik, men har bir to‘p uchun kurashni ko‘rdim.
Ishonchim komilki, muxlislar xursand bo‘ldi, keyingi hafta esa Antonio ishga qaytishi kerak», - deya Stellinining so‘zlarini keltiradi BBC Sport.
