Кеча, 3 сентябрь куни «Машъал» ўз майдонида «Андижон»ни қабул қилиб 1:0 ҳисобида ғалаба қозонди. Кеча шунингдек, мазкур ғалабага ҳисса қўшган Игорь Петкович билан Жамшид Ҳасанов ўз туғилган кунларини нишонлашди. Петко 29 ёшни қарши олган бўлса, жамоамизнинг янги аъзоси Жамшид Ҳасанов 24 га кирди. Бугун эса «Машъал»нинг энг муҳим ўйинчиларидан бири, жамоа сардори Дилявер Ваниев ўз таваллуд кунини нишонлаяпти. Футбол ўйнаш борасида ёшлардан сира қолишмаётган Ваниев бугун 37 ёшни қарши олди. Биз фурсатдан фойдаланиб «Машъал» футбол клуби раҳбарияти, ишчи-ходимлар, мураббийлар штаби, футболчилар ҳамда жамоа мухлислари номидан Дилявер Ваниевни туғилган куни билан табриклаймиз ҳамда унга узоқ умр, сиҳат-саломатлик, оилавий тотувлик тилаб қоламиз.
«Машъал» ПФК маъмурияти.
