"Кардифф" ҳужумчиси Габриэль Бьянкери "Манчестер Юнайтед" сафига қўшилди. 16 ёшли футболчи ўзининг ижтимоий тармоғида "қизил иблислар" либосидаги суратини жойлаштирди.
Иқтидорли футболчи “Манчестер Юнайтед”нинг ёшлар жамоасида ўйнайди. У билан тўрт йиллик шартнома тузилди.
Габриэль Бьянкери жорий мавсумда "Кардифф" ёшлар жамоасида ўйнади ва 12 та гол урди.
"Манчестер Юнайтед" ўтган ҳафта охирида Англия Лига кубоги финалида "Ньюкасл"ни 2:0 ҳисобида мағлуб этиб, кубокни қўлга киритди. "Манчестер Юнайтед" АПЛ турнир жадвалида учинчи ўринда бормоқда.
