"Барселона" бош мураббийи Хави Испания кубоги доирасида "Реал"га қарши сафар ўйини олдидан ўз фикрларини билдириб ўтди.
"Сантьяго Бернабеу"га саёҳат мен учун доим қизиқарли бўлган. Мен ўйнашни хоҳлайман, жуда хоҳлайман. Бу ажойиб туйғу, шунинг учун мен ўз футболчиларимга роҳат олишларини айтаман" - деди Хави матбуот анжуманида.
"Реал" – "Барселона" учрашуви 3 март, жума куни бўлиб ўтади. "Сантяьго Бернабеу"даги ўйин Тошкент вақти билан 01:00 да бошланади. Ярим финал жавоб ўйини эса бир ойдан кейин бўлиб ўтади.
"Реал" ва "Барселона" охирги марта январь ойида ўзаро тўқнаш келишган. Ўшанда Испания Суперкубоги финалида каталонияликлар (3:1) ҳисобида ғалаба қозонишганди.
