Афсонавий бразилиялик ҳужумчи Пеленинг ўлими олдидан қилган сўнгги тилаги маълум бўлди. Бу ҳақда унинг қизи Кели Кристина Насименто айтди.
Аёл ўзининг ижтимоий тармоқларида “Футбол қироли” касалхонада ётганида Аргентина терма жамоасига ЖЧ-2022да ғалаба тилаганини айтди. У бу тилакни Бразилия терма жамоаси чорак финалда Хорватияга мағлуб бўлганидан кейин айтган.
"Жаҳон чемпионати Жанубий Америкага кетиши керак. Аргентина ютиш керак. Месси бунга лойиқ эди", - деди аёл отасининг сўзларини.
Финалда Аргентина билан Франция тўқнаш келди. Месси ва жамоаси Дидье Дешам шогирдларини кескин ўйинда мағлуб этди – 3:3, пенальтилар сериясида 4:2.
