«Наполи» ҳужумчиси Хвича Кварацхелия болалигида унинг футболдаги кумири ўша пайтдаги «Реал Мадрид» ярим ҳимоячиси Гути бўлганини тан олди.
«Болалигимда Гути менинг кумирим эди, кейин у «Реал»да ўйнади. Унинг футболкасини Грузияда сотиб олиш мумкин эмас эди, шунинг учун мен оддий оқ рангли футболка сотиб олишга мажбур бўлдим ва орқасига «14» рақамини ёздим», - деди Хвича.
Гути «Реал Мадрид» тарбияланувчиси ҳисобланади, 1995 йилдан 2010 йилгача Мадрид жамоасида ўйнаган, сўнгра бир йил «Бешиктош»га бориб, ўша ерда фаолиятини якунлаган.
«Реал Мадрид» билан биргаликда Гути 11 та соврин, жумладан, Чемпионлар лигасида уч марта қозонган. У Испания терма жамоаси сафида 14 та ўйин ўтказган.
